Հիշելով սեպտեմբերի 11-ը՝ 25 տարի անց

Վաշինգտոն – Քսանհինգ տարի առաջ մեր ազգը ականատես եղավ աներևակայելի ողբերգության։ Այսօր Ամերիկայի հայկական համագումարը միանում է ողջ երկրով մեկ ամերիկահայերին և այլ համայնքներին՝ հարգանքի տուրք մատուցելով 2001թ.-ի սեպտեմբերի 11-ին զոհված շուրջ 3000 մարդու հիշատակին, այդ թվում՝ մեր սեփական ամերիկահայ համայնքի անդամներին։

Մենք նաև մեծարում ենք արտակարգ իրավիճակների արագ արձագանքման ծառայությունների աշխատակիցներին և շարքային ամերիկացիներին, որոնց քաջությունն ու զոհողությունն արտացոլեցին մեր ազգի լավագույն հատկանիշները։

Այն ընտանիքների, ընկերների և հարազատների հետ, ովքեր շարունակում են կրել այդ կորստի ցավը` մենք հիշում ենք ձեզ հետ։ Մենք երբեք չենք մոռանա։

Ամերիկայի հայկական համագումարը հիմնադրվել է 1972 թվականին: Այն ամենամեծ համազգային, անկուսակցական, հասարակական կազմակերպությունն է Վաշինգտոնում, որն օժանդակում է հայկական հարցերի ճիշտ ըմբռնմանն ու լուսաբանմանը: Համագումարը 501(c)(3) կարգավիճակով հարկերից ազատված անդամակցական կազմակերպություն է:

###

NR # 2026-34