Հայ քաղբանտարկյալ Ռուբեն Վարդանյանի որդին՝ Դավիթ Վարդանյանը, ելույթ կունենա Համագումարի 2025թ.-ի Գարնանային քարոզչական գագաթնաժողովում

Վաշինգտոն – Մինչ մոտենում է Բաքվում նրա անարդար բանտարկության երկու տարին, Ռուբեն Վարդանյանի աջակիցները՝ գործընկեր-բարերար Նուբար Աֆեյանից, որը ևս մեկ անգամ կոչ արեց նրան ազատ արձակել CNN-ով, մինչ Amnesty International, մինչ Թրամփի վարչակազմ, երաշխավորել են իր որդուն, որ հայ քաղբանտարկյալները ու ռազմագերիները և քաղաքացիական պատանդները, որոնք ապօրինաբար պատանդ են պահվում Բաքվում, մնում են ուշադրության կենտրոնում։ Երեքշաբթի օրը՝ ապրիլի 1-ին, Համալսարանական ակումբում Դավիթ Վարդանյանը ելույթ կունենա Ամերիկայի հայկական համագումարի (Համագումար) 2025թ․-ի Գարնանային քարոզչական գագաթնաժողովում։

Գագաթնաժողովին ընդառաջ և նախագահ Դոնալդ Թրամփին անցյալ շաբաթ ուղարկված նամակում Համագումարն ընդգծեց, որ «իսկական խաղաղության հասնել հնարավոր չէ» քանի դեռ բոլոր պատանդներն ազատ չեն արձակվել, և հորդորեց նախագահին «օգտագործել Ձեր տրամադրության տակ եղած բոլոր գործիքը՝ նրանց անհապաղ ազատությունն ապահովելու համար»:

Գործարար, բարերար, Արցախի Հանրապետության նախկին պետնախարար Ռուբեն Վարդանյանի որդին՝ Դավիթը, իր հոր ուժեղ ջատագովն է հրապարակայնորեն և լրատվամիջոցներում՝ հայ ռազմագերիների վերաբերյալ այդքան անհրաժեշտ իրազեկվածությանը հասնելու համար: CNN-ի թղթակից Քրիստիան Ամանփուրին տված հարցազրույցում նա դատապարտեց Բաքվում իր հոր դատական ​​լսումների «թափանցիկության իսպառ բացակայությունը», որտեղ նա անօրինական կերպով պահվում է Ադրբեջանի բռնապետական ​​ռեժիմի կողմից:

Իր վերջերս հրապարակված տեսաուղերձում Դավիթ Վարդանյանը կոչ արեց «մեր աշխարհասփյուռ ազգին պայքարել այն կեղծ դատավարությունների դեմ, որոնք տեղի են ունենում Բաքվում ընդդեմ իր հոր և մեր մյուս հայրենակիցների, ովքեր իրենց բոլոր ուժերը տվեցին հանուն Արցախի ազատության»։

Երևանում ծնված Ռուբեն Վարդանյանը հայ գործարար, սոցիալական ձեռներեց և ներդրումային բարերար է։ Նա համահիմնադրեց «Ավրորա» մարդասիրական նախաձեռնությունը և նվիրված է Հայաստանում և արտերկրում մշակութային ու պատմական ժառանգության պահպանմանը, կրթությանը, հետազոտություններին և հումանիտար խնդիրների լուծմանը: 2023թ․-ի սեպտեմբերին Ռուբեն Վարդանյանը անարդարացիորեն ձերբակալվեց Ադրբեջանի կառավարության կողմից՝ Լեռնային Ղարաբաղի Հանրապետությունից Հայաստան մեկնելու փորձի ժամանակ և այդ ժամանակվանից ապօրինաբար կալանավորվել է։ Համաշխարհային մարդասիրական և մարդու իրավունքների հանրության անդամներ բազմիցս կոչ են արել անհապաղ ազատ արձակել նրան:

Ավելի վաղ այս շաբաթ CNN-ին տված հարցազրույցում Moderna-ի համահիմնադիր և գործընկեր-բարերար Նուբար Աֆեյանը կոչ արեց ազատ արձակել Ռուբեն Վարդանյանին և ընդգծեց, որ Հայաստան-Ադրբեջան պայմանագիրը պետք է ներառի հայ ռազմագերիների ազատ արձակումը:

Համագումարի 2025թ․-ի Գարնանային Քարոզչական գագաթնաժողովը նախատեսված է երկուշաբթի՝ մարտի 31-ից մինչև չորեքշաբթի, ապրիլի 2-ը, և կներառի տեղեկատվական ճեպազրույցներ, պանելային քննարկումներ ու հանդիպումներ կոնգրեսականների հետ: Ողջույնի ընդունելություն տեղի կունենա երեքշաբթի, ապրիլի 1-ին, ժամը 19:00-21:00: Լրացուցիչ տեղեկությունների և գրանցվելու համար խնդրում ենք սեղմել այստեղ: 

Ամերիկայի հայկական համագումարը հիմնադրվել է 1972 թվականին: Այն ամենամեծ համազգային, անկուսակցական, հասարակական կազմակերպությունն է Վաշինգտոնում, որն օժանդակում է հայկական հարցերի ճիշտ ըմբռնմանն ու լուսաբանմանը: Համագումարը 501(c)(3) կարգավիճակով հարկերից ազատված անդամակցական կազմակերպություն է:

###

NR# 2025-19